Gunnar Smári skrifar: „Ég reyndi að lesa þetta en grét svo mikið að ég hætti að sjá orðaskil. Mikil lifandi ósköp er farið illa með grey bankana, samkvæmt þessu; þeir eru látnir borga skatta og svo elskar þá enginn; fólk er jafnvel enn fúlt út í þá fyrir að hafa hrunið yfir fjölskyldurnar í landinu, skríll getur fólk verið. Kannski ætti Sjálfstæðisflokkurinn að efna til söfnunar fyrir bankanna í jólamánuðinum. Flokkurinn hefur fundið einhvern til að finna til með eftir að hafa lækkað veiðigjöldin á aumingja útgerðarmennina. Hugsið til smæstu bræðra Jesú á jólunum, segir xD; hugsið til útgerðarinnar og bankanna og gefið þeim eitthvað í skóinn. Eða gefið Engeyingum bankana í skóinn, það væri líka fallegt.“
