Ríkisstjórnin og stóru vandamálin þrjú

Að venju á Styrmir Gunnarsson eftirtektarverðustu greinina í helgarblöðunum. Inngangurinn að grein Styrmist lýsir með ágætum því sem ríkisstjórnin á við að glíma.

„Hið póli­tíska and­rúms­loft í land­inu er held­ur and­snúið rík­is­stjórn­inni um þess­ar mund­ir. Þar kem­ur ým­is­legt til, í fyrsta lagi ákv­arðanir kjararáðs fyr­ir tveim­ur árum sem ásamt öðrum ákvörðunum sem tekn­ar hafa verið um launa­hækk­an­ir fá­mennra hópa hafa sett kjaraviðræður sem eru að hefjast í al­var­leg­an hnút. Í öðru lagi opin upp­reisn inn­an, alla vega Sjálf­stæðis­flokks og Fram­sókn­ar­flokks, gegn samþykkt þriðja orkupakk­ans frá ESB og nú síðast afar klaufa­leg fram­setn­ing á fjár­veit­ing­um til ör­yrkja í fjár­laga­frum­varpi fyr­ir næsta ár.

Öryrkj­ar upp­lifa breyt­ing­ar á upp­haf­leg­um til­lög­um um fjár­veit­ing­ar til þeirra sem svik sem þýðir að þeir sem kjós­enda­hóp­ur eru lík­leg­ir til að skipa sér í sveit með lægst launaða fólk­inu inn­an verka­lýðsfé­lag­anna í þeim átök­um sem framund­an eru.

Þótt ekki kæmi annað til er ljóst að stjórn­mála­menn þurfa að taka þær skyld­ur sín­ar sem kjörn­ir full­trú­ar al­var­leg­ar en þeir hafa gert að stuðla að víðtæk­um sátt­um í sam­fé­lag­inu. Og það á ekki sízt við um for­ystu­menn stjórn­ar­flokk­anna og rík­is­stjórn­ar­inn­ar. Þeirra er ábyrgðin á land­stjórn­inni.“

Þarna er talað skýrt en engu er að treysta. Ekki er víst að þau sem við er átt skilji sneiðina. Til þess er fólkið of upptekið af sjálfu sér.

Grein Styrmis er mun lengri og birtist í Mogganum í dag.