Marinó G. Njálsson skrifaði: Er búinn að vera á Klakanum í nokkra daga og hef náð að fara í gegn um kunnuglega hluti:
- Hundleiðinlegar haustrigningar með útsynningi.
2. Stjórnmálamenn í tómu tjóni.
3. Seðlabankinn í tómu tjóni.
4. Seðlabankastjóri í sama ruglinu.
5. Heimatilbúið kreppuástand sem er öllum öðrum að kenna.
6. Hækkandi verðbólgu með hærri verðbótum.
7. Og svo er það verðlagið. Bensínlítrinn á 220-235 kr. hjá íslensku olíufélögunum (nema þar sem er erlend samkeppni). Enn það rugl.
Ég held við ættum að sleppa því að hugsa um að flytja inn erlendar landbúnaðarvörur, en fá í staðinn erlent veðurfar, erlenda stjórnmálamenn, erlendan seðlabanka, erlendan seðlabankastjóra, erlenda efnahagsráðgjafa og erlenda kaupmenn. Þetta íslenska er greinilega ekki að ráða við hlutverk sitt. Við erum búin að prófa þetta í allt of langan tíma og hámark heimskunnar er að gera sama hlutinn ítrekað og halda að útkoman breytist.
Þú gætir haft áhuga á þessum
Verð að viðurkenna, að búseta í útlöndum hefur sína kosti.
Skrifin birti Marinó á Facebook.