Hvaða flugfélög skulda Isavia?

Jón Steindór Valdimarsson hefur lagt nokkrar spurningar fyrir samgönguráðherrann, Sigurð Inga Jóhannsson. Spurningar lúta að Isavia og hvernig fyrirtækið tekur á skuldum flugfélaga.

Jón Steindór spyr:

„Hvaða reglur gilda um töku lendingargjalda, farþegagjalda, stæðisgjalda, flugverndargjalda, flugleiðsögugjalda og annarra gjalda sem við kunna að eiga á Keflavíkurflugvelli? Óskað er svara um gjöld innlendra sem erlendra flugfélaga og um gjaldskrá, greiðslufresti og úrræði til að innheimta gjöldin.“

Svo spyr hann: „Hvaða reglur gilda í tilvikum þar sem einstök flugfélög borga ekki framangreind gjöld:
a.      eru reiknaðir dráttarvextir af gjöldunum eða öðrum sektarúrræðum beitt,
b.      er jafnræði milli flugfélaga hvað þetta varðar,
c.      hvaða tryggingar þurfa flugfélög að setja fyrir greiðslu skulda?“

Og; „Hve háum skuldum hafa einstök flugfélög safnað frá og með árinu 2013? Hverjar eru fjárhæðir stærstu skuldunauta? Hversu stór hluti skuldanna var kominn fram yfir gjalddaga?“

Og að lokum: „Hefur einhverjum flugfélögum verið neitað um viðskipti vegna vangreiddra gjalda frá og með árinu 2013 og ef svo er, hversu mörg eru þau og í hvaða löndum voru þau skráð?“