„Við lifum í landi þingmannanna“
- „þar sem fátækt er ekki til. Í skugga frá vængjum gammanna þorum við að vera til.“
Í flugvél valdi ég að hlusta á Frelsi til sölu, plötu Bubba Morthens frá árinu 1986. Einu laganna var ég búinn að gleyma, Sló sló, heitir það. Við að hlusta á textann er nánast eins og hann hafi verið saminn í dag. Platan kom út árið 1986.
Á þingi er hann sló sló
og þénar plentí skæs.
Á kvöldin étur ró, ró
af vellíðan hann blæs.
Hann þykir fríður maður
er kosinn út á það.
Enginn lýgur fallegri glaður
loforðin standa í stað.
Við lifum í landi þingmannanna
þar sem fátækt er ekki til.
Í skugga frá vængjum gammanna
þorum við að vera til.
Fjölmiðlar þeir virðast elsk‘ann
í sjónvarpi ber hann af.
Mæður okkar elsk’ann
hann hefur lært sitt fag.
Ekur um á töff bíl
fólkið fellir þann dóm
að hann hafi glæsilegri prófíl
en þeir fríðustu í Róm.
Orð hans hitta múginn
í laumi dáir forsetinn hann.
Þó alþýðan sé inn að beini rúin
er honum fyrirgefið, það er hann.
Líklega er honum sama þó þú sveltir
með skömmtunarseðilinn úti í búð.
Hendir í þig beini þegar þú geltir
þingmaðurinn býður upp á snúð.
Það er ekkert annað. Bubbi góður. En eflaust sjá ekki allar sama mann fyrir sér þegar textinn er lesinn. Ég veit hvern ég sé.
