Útgerð Hraðfrystihúsið- Gunnvör hf. og Vinnslustöðin í Vestmannaeyjum eiga von á nýjum togurum frá Kína sem verða teknir í notkun öðru hvoru megin við áramótin 2015-2016. Með tilkomu nýrrar tækni geta nýju togararnir dregið tvö troll og nýting á millidekki eykst. Eins er áætlað að olíunotkun muni dragast saman allt að 50 til 60%. Nýju togararnir munu auka hagkvæmni í sjávarútvegi enn frekar þar sem olíukostnaður er næst stærsti útgjaldaliðurinn útgerðarinnar.
Einnig er þetta jákvætt fyrir umhverfi sjávar. Fjárfestingaþörf í sjávarútvegnum er mikil og þá helst í botnfiskveiðum. Eins og sjá má á myndinni hér að neðan hefur meðal aldur togara hækkað um 40% síðan 1999 og var meðalaldur togara orðinn 28 ára árið 2013. Nýju togararnir verða mikil lyftistöng fyrir H-G og Vinnslustöðina en togarinn Páll Pálsson hjá H-G verður leystur af hólmi eftir 42 ára þjónustu.
