Vilja einkavæða vínsölu
„Eru þingmennirnir að borga einhverjum sem lögðu þeim til fé í prófkjöri eða kosningabaráttu?“
Gunnar Smári skrifar: Eruð þið að grínast? Andstaða mikils meirihluta almennings gegn efni þessa frumvarp er betur skráð en flest annað í samfélaginu; það er ljóst og hefur lengi verið ljóst að mikill og afgerandi meirihluti kjósenda vill þetta alls ekki.
Hvers vegna er þá verið að leggja þetta fram? Eru þingmennirnir að borga einhverjum sem lögðu þeim til fé í prófkjöri eða kosningabaráttu? Ekki eru þeir í alvörunni að leggja það til að Alþingi troði áfengi í matvörubúðir gegn vilja meirihluta almennings? Hvað næst? Upptaka dauðarefsinga? Bann við fóstureyðingum? Upptaka evru? Svo nefnd séu dæmi um mál sem eru jafn kyrfilega lokuð inn í minnihlutafylgi.
