Atvinnulíf Sýning um íslenskt atvinnulíf hefur verið opnuð á Bifröst. Veitt er er innsýn í verðmætasköpun íslenskra fyrirtækja og starfsmenn þeirra rýna í framtíðina. Á sýningunni eru ýmis fyrirtæki á öllum sviðum atvinnulífsins. Sýningin verður opin í allt sumar frá kl.10-18 og er aðgangur ókeypis.
Á sýningunni eru stór myndræn veggspjöld ásamt myndböndum og ljósmyndasýningu. Það er Háskólinn á Bifröst sem á veg og vanda að sýningunni en María Ólafsdóttir er sýningarstjóri og hefur leitt vinnuna ásamt Vilhjálmi Egilssyni rektor háskólans.
