„Spurði formann bæjarráðs nokkurra spurninga í morgun um viðsnúninginn í stefnu bæjarins vegna uppbyggingar íþróttamannvirkja. Þar kom meðal annars fram að hann hefur að eigin sögn haldið hluta minnihlutans upplýstum í ferlinu (amk ekki mér), honum finnst leiðinlegt að ræða þetta mál og að hann skilgreinir mig sem oddvita minnihlutans. Áhugavert.“
Þetta skrifar Guðlaug Svala Steinunnar Kristjánsdóttir, bæjarfulltrúi Bæjarlistans í Hafnarfirði. Hún átti orðaskipti við formann bæjarráðs; Ágúst Bjarna Garðarsson Framsóknarflokki.
Guðlaug Svala segir einnig: „En svör við efnislegum spurningum þóttu mér frekar rýr, vonast til að þau birtist hægt og rólega í bæjarstjórninni, þar sem fjöldi efnislegra fyrirspurna bíður svars.“
Og niðurstaðan? „Enn fæ ég ekki annað séð en að til standi að afhenda amk hálfan milljarð til íþróttafélags án sérstakra kvaða á móti. Vorum við að rétta af rekstur bæjarins fyrir þetta?“
