Fyrir nokkrum árum sýndi norsk könnun fram á að allra ríkasta fólkið stingur að meðaltali um 35% af tekjum sínum undan skatti. Sama hlutfall meðal hinna tekjulægstu er nánast 0%. Samt stundar Tryggingastofnun linnulausar rannsóknir og njósnir til að koma í veg fyrir möguleg undanskot öryrkja og eftirlaunafólks, þar sem líkurnar á að finna glæp er nánast engar.
Nær væri að halda uppi linnulausri skattrannsókn á útgerðaraðlinum og öðrum sem tilheyra hinum efnamestu á Íslandi. Ég veit að það er ljótt að fullyrða að um alla einstaklinga innan tiltekins hóps; en samt er nánast án fyrirvara hægt að segja að það fólk sem hefur komist í miklar álnir stingi undan skatti. Að ríkur maður sé glæpamaður, með öðrum orðum.
Það er álíka auðvelt að finna saklausan ríkan mann og að troða úlfalda í gegnum nálarauga. Jesús sagði það, ekki skamma mig. Við eigum því að umgangast auðugt fólk sem skattsvikara, annað er óskynsamlegt. Og siðlaust.
Við eigum ekki að hampa því fólki sem stelur frá okkur. Það er heimskulegt. Og ókristilegt.
-gse