Sigþrúður Guðmundsdóttir, framkvæmdastýra Kvennaathvarfsins, er meðal þeirra sem hafa tjáð sig um afstöðu Sigríðar Á. Andersen vegna stöðu kvenna sem eru giftar ofbelsdimönnum, mönnum sem geta haldið þeim óviljugum í hjónabandi, jafnvel árum saman. Lagabreytingar þurfa að koma til svo staða kvennanna lagist. Sigríður dómsmálaráðherra segir það ekki verða gert. Að ekki sé heppilegt að sníða lögin að fáum sem eigi í vanda.
Sigþrúður skrifar um þetta:
„Nei, drulluóheppilegt og flókið að sníða hjúskaparlög að fólki sem er fast í hjúskap sem það vill ekki vera í. Þau eru hvort sem er svo fá og skipta eiginlega engu máli. Hvað þá krakkarnir þeirra. Jafn hundóheppilegt að sníða barnaverndarlög að þessum örfáu börnum sem búa við óviðunandi aðstæður eða útlendingalög að þessum sárafáu útlendingum sem slampast hingað. Eða að sníða lög um ostrurækt að ostruræktendum sem neita að sækja um leyfi til ostruræktunar. Nú er ég örlítið ergileg.“
