Sanna boðar sósíalista til fundar í kvöld
Eiga sósíalistar að taka þátt í meirihluta eða ekki.
Sanna Magdalena Mörtudóttir, borgarfulltrúi Sósíalistaflokskis, boðar alla sósíalista til fundar um stöðuna í borgarmálum.
Á Facebooksíðu flokksins segir: „Í gærkvöldi voru málin reifuð en nú er komið að því að tak afstöðu um hver staða borgarfulltrúa sósíalista verður á kjörtímabilinu. Eiga sósíalistar að semja sig inn í meirihlutasamstarf um að reka kerfið eða eiga þeir að byggja upp starf meðal hinna valdalausu í Reykjavík og sækja með þeim á kerfið?“
Fundur Sönnu hefst klukkan 20 í Hlutverkasetri Borgartúni 1, 2. hæð (gengið inn sjávarmeginn).
