Stundum er sem Bjarni Ben hafi gaman af því að leika aðra ráðherra illa. Gera þá vandræðalega. Jafnt ráðherra úr eigin flokki sem úr svo kölluðum samstarfsflokkum. Aumastur allra er Sigurður Ingi. Aldrei áður hefur flokksformaður í ríkisstjórn verið skilin eftir með eins lítið og áhrifalaust ráðuneyti og Sigurður Ingi hefur nú. Í raun á honum að vera vorkunn.
Sveitungar Sigurðar Inga buðu honum til fundar og ræða handónýta þjóðvegi í hans sveit. Sigurður Ingi hafði ekki kjark. Sagðist ekki komast. Þegar náðist til hans sagðist hann verða að heimild í ríkisstjórn til að ráðist verði í vegabætur. Öllum er fullkomlega ljóst að hann átti við að Bjarni væri ekki búinn að leggja blessun sína yfir nauðsynlegar framkvæmdir.
Bjarni einn ræður og enginn annar. Hann hefur að auki tamið sér að láta aðra ráðherra líta út eins og álfa úr hól. Í uppáhaldi hjá honum nú eru Sigurður Ingi og Svandís Svavarsdóttir. Þau rausa um eitt og annað og Bjarni nýtur þess. Veit sem er að hann ræður. Hann nýtur sín í þessari stöðu. Vegna þess hvernig Bjarni er er allt að hrynja; vegakerfið, heilbrigðisþjónustan, menntunin í landinu og ég veit ekki hvað og hvað.
Ísland Bjarna Ben er að hruni komið. Honum hefur mistekist hreint ömurlega. Enginn stjórnmálamaður hefur afl til að stöðva Bjarna. Hann veit það.
Sigurjón M. Egilsson.
