Umræðan Fyrir alþingiskosningarnar haustið 2016 marglýsti Benedikt Jóhannesson, formaður Viðreisnar, því yfir, að eldri borgarar ættu að fá að vinna eins mikið og þeir vildu og gætu; hann talaði einnig um að bæta þyrft kjör aldraðra. Björt framtíð talaði á svipuðum nótum.
Nú er Benedikt orðinn fjármálaráðherra og því hæg heimatökin að efna kosningaloforðin. En Benedikt hefur svikið kosningaloforðin. Í stað þess að greiða fyrir því að aldraðir gætu verið sem lengst á vinnumarkaðnum var nánast ákveðið að banna öldruðum að vinna frá síðustu áramótum; frítekjumarkið var þá lækkað úr 109 þúsund kr á mánuði í 25 þúsund kr á mánuði.
Benedikt hefur ekkert gert í því að efna kosningaloforðið. Nýi félagsmálaaráðherrann segir, að frítekjumarkið sem afnumið var með einu pennastriki mætti taka upp aftur með 5 ára áætlun. Eru þessir menn með réttu ráði? Frítekjumarkið var afnumið með einu pennastriki. Það á að taka það upp aftur, einnig með einu pennastriki í samræmi við kosningaloforðið.
Björgvin Guðmudsson.
