Hún sýnir vel hvernig komið er fyrir samtökunum.
Meira umbreytingar hafa ekki orðið á neytendamarkaði en nú. Costco hefur haft ótrúleg áhrif og ekki sér fyrir endann á þeim. Ruðningsáhrifin vegna Costco verða eflaust mikil, fyrirsjáanleg og alls ekki fyrirsjáanleg.
Meðan á þessu stendur fer fram langdregin jarðarför Neytendasamtakanna. Banamein þeirra varð innanmein. Þeir Íslendingar sem enn eru félagsmenn í Neytendasamtökunum hljóta að hugsa sinn gang. Staðan er með öllu óboðleg. Og erfitt er að sjá hvaða tilgangi þau eiga að þjóna. Að óbreyttu.
Neytendasamtökin þóttu slöpp og hæg undir forystu Jóhannesar Gunnarssonar. En þau voru það þó. Sem er allt annað og betra en núverandi ástand. Nú eru þau steindauð.
Fólkið sem var kosið í trúnaðarstöður Neytendasamtakanna virðist ætla að deyða þau.
Tvennt er í stöðunni. Það fyrra er að hætta þessu og loka endanlega. Viðurkenna eyðilegginguna. Að óbreyttu verður skaðinn lítill þó Neytendasamtökin verði úrskurður dauð.
Hitt er að uppgjör fari fram hið bráðasta. Félagsmenn fái að ráða örlögum samtakanna. Þá kannski, og aðeins þá, er hugsanlega hægt að blása lífi í hin dauðu Neytendasamtök.
Sigurjón M. Egilsson.
