Vilhjálmur Birgisson skrifar:
Samfélag Eins og talað úr mínum munni og ég tek undir hvert orð hjá Sigurbirni Lárussyni, sem er fyrrverandi verkstjóri og hefur starfað hjá Skaganum 3X í 26 ár.
En Sigurbjörn segir orðrétt í þessu viðtali við RUV:
„Menn þurfa að gera hreint fyrir sínum dyrum, allir aðilar í þessum máli og það er ákall bæjarbúa um að þeir vilja fá svör af hverju þeir eru að missa fyrirtækið, af hverju það var ekki hægt að semja um áframhaldið og hver er sökudólgurinn í því,“
Eitt virðist blasa við og það er að einhver er ekki að segja satt og nú þarf að kalla það fram hver það er.
Já það er ákall frá bæjarbúum um að sannleikurinn komi fram hvað varð þess valdandi að allt stefni í að 128 vel launuð störf tapist og Akraneskaupstaður verði að allt að 400 milljóna útsvartekjum sem mun klárlega bitna á velferð bæjarbúa.
