Þór Saari skrifar:
Að minnsta kosti tveir þeirra eru fyrrverandi tukthúslimir, Ólafur Ólafsson og Hreiðar Már Sigurðsson, sem voru dæmdir í fangelsi í kjölfar Hrunsins.
Hér er ein meginástæðan fyrir því hvers vegna það er nauðsynlegt að kjósa Sósíalistaflokkinn í komandi kosningum. Fjórflokkurinn (sem nú telur sex) hefur komið því þannig fyrir undanfarin 20 ár að auðmenn Íslands eru skattlausir hér á landi og komast upp með það, verandi með starfsemi hér á landi en skráð lögheimili í skattaskjólum. Þetta er fólkið sem Sjálfstæðisflokkur og Framsóknarflokkur, nú með dyggum stuðningi Vinstri-grænna, verndar út í eitt.
Þessir menn eru sannkölluð sníkjudýr á samfélaginu, nískir menn sem tíma ekki sjálfir að greiða neitt til samfélagsins. Að minnsta kosti tveir þeirra eru fyrrverandi tukthúslimir, Ólafur Ólafsson og Hreiðar Már Sigurðsson, sem voru dæmdir í fangelsi í kjölfar Hrunsins. Hinir hafa svo verið bendlaðir við ýmislegt vafasamt. Ef þú kjósandi góður vilt að það Ísland sem þessir menn standa fyrir taki breytingum og verði í staðinn betra samfélag þar sem allir leggja sitt af mörkum og auðmenn eru ekki undanskildir. Þá bendi ég þér á Sósíalistaflokkinn. Og mundu það að atkvæði greitt VG er atkvæði greitt Sjálfstæðisflokknum.