Slíkar konur eru ekki þess verðar að aðrar konur veiti þeim brautargengi á forsendum mannúðar og kvenlegra stjórnarhátta.
Ólína Kjerúlf Þorvarðardóttir skrifaði:
„Það er ömurlegt að hafa árum saman barist fyrir áhrifum kvenna – með þeirri röksemd að áhrif kvenna skipti máli og muni leiða til góðs, það þurfi að breyta karllægri stjórnsemi og feðraveldishugsun með því að koma konum valda. En svo komast þær í stólana, og hvað gerist? Allt of margar þeirra (ekki allar en of margar) fara að aðlaga sig því sem fyrir er, taka upp sömu orðræðuna og reyna að standast samanburð við karlana á þeirra forsendum. Með öðrum orðum, þær breyta engu. Slíkar konur eru ekki þess verðar að aðrar konur veiti þeim brautargengi á forsendum mannúðar og kvenlegra stjórnarhátta.
Ef stjórnmálin eru bara sálarlaust þvaður um verkferla og heildstæðar lausnir — ef þau missa sál sína og gildi — þá eru þau einskis verð. Katrín og co — studd og rekin áfram af embættismönnum á borð við Kristínu Völundardóttur forstjóra Útlendingastofnunar — stundar þannig stjórnmál. Það er þyngra en tárum taki. Vituð þér enn eða hvat!“
