„…þar er eftirspurnin og þar er vöntunin.“
„Mikil áhersla er lögð á að byggja upp nýtt íbúðarhúsnæði sem næst miðborginni og nærhverfum. Nú er staðan á fasteignamarkaði þannig, að í og við miðborgina standa að líkindum yfir 400 nýjar íbúðir óseldar og fer fjölgandi, á verði frá 29,5 milljónir og uppúr. Hér er um að ræða staði eins og Efstaleiti, Hafnartorg, Bríetartún, Tryggvagötu, Hverfisgötu og víðar.“
Þannig bókaði Baldur Borgþórsson fulltrúi Miðflokksins í skipulags- og samgönguráði Reykjavíkur.
Baldur segir að; „…á sama tíma staldra nýjar íbúðir í úthverfum borgarinnar, sem dæmi í Úlfarsárdal mjög stutt við. Svo virðist sem áhugi hins almenna borgara á að búa í og við miðborgina sé afar takmarkaður og því leggur fulltrúi Miðflokksins til að megináhersla verði lögð á uppbyggingu í úthverfum borgarinnar, þar er eftirspurnin og þar er vöntunin.“
