Leiðari Það þarf ekki nema 32 þingmenn til að mynda meirihluta. Stjórnarandstaðan fékk 32 þingmenn og ætti því að taka við. Af fréttum má ætla að Framsókn sé tvístígandi. Veit ekki í hvorn fótinn hún á að stíga. Ákveði Framsókn sig ekki verður hún bara að missa af lestinni. Sitja eftir.
Hvað sem Framsókn gerir þarf samt bara 32 þingmenn til að mynda meirihluta. Í stað Framsóknar væri þá ágætt að fá Viðreisn og Flokk fólksins. Þá munu 32 þingmenn axla ábyrgð á eyða vantrausti þjóðarinnar til þingsins, vinna saman að brýnustu málum, róa ástandið og svo ganga í takt. Sýna að þingið geti sinnt hlutverki sínu.
Eðlilegst er að stilla Framsókn upp við vegg. Með eða ekki? Ég veit ekki hvort betra er að hafa Framsókn með eða ekki. Ef flokkurinn dregur fæturna þá verður hann bara skilinn eftir.
Það væri fínt ef næsta ríkisstjórn þarf að hafa fyrir hlutunum. Það þéttir bara raðirnar. Ísland þarf breytingu. Hún er í boði og það yrði ófyrirgefanlegt ef þessu fína tækifæri verður klúðrað. Framsókn ein má ekki ráða hvað verður. Bara alls ekki. Fjögurra, fimm eða sex flokka stjórn á næstu dögum.
Sómi Alþingis er að veði.
Sigurjón M. Egilsson.
