214 Hyundai Santa Fe innkallaðir

Neytendur Vegna mögulegs leka á öxulþéttingu í háþrýstidælu eldsneytiskerfis, í Hyundai Santa Fe árgerð 2005 hafa 214 bílar verið innkallaðir.

Neytendastofa segist hafa fengið farsæla lausn með samkomulagi við Hyundai um að umboðið taki að sér viðgerð í tilefni af innköllun 214 bifreiða. Neytendastofu bárust ábendingar um vélarbilun á Hyundai Santa Fe árgerð 2005. Í kjölfar ábendinganna hefur Hyundai á Íslandi innkallað framangreindar bifreiðar.

Ástæða innköllunarinnar mögulegur leki á öxulþéttingu í háþrýstidælu eldsneytiskerfis bílanna og orsakast af boltum sem losna. Bilunin getur leitt til þess að vél bílanna fer á yfirsnúning.

Neytendastofa hefur fengið vitneskju um að nokkrar bifreiðar hafi bilað af fyrrgreindum orsökum. Eigendur ofangreinda bifreiða eru beðnir um að hafa samband við Hyundai umboðið að Kauptúni 1, 210 Garðabæ, sími 575-1200 og panta tíma á verkstæði umboðsins. Skipt verður um eldsneytisdæluna og bílinn tekinn í olíuþjónustu og síuskipti viðskiptavinum að kostnaðarlausu.

Viðkomandi bifreiðareigendum hefur verið sent bréf vegna innköllunarinnar.
Neytendastofa hvetur því eigendur umræddra bifreiða til að nýta sér þá lausn sem fyrirtækið hefur boðið og tryggja öryggi bifreiðanna.