Þegar unga fólkið vildi ræða alvarlega stöðu flokksins var þeim bannað það og bent á að tala frekar um húsnæðismál. Sem þau afþökkuðu pent.
-sme
Davíð fékk 13,7 prósent í forsetakosningum þrátt fyrir að hafa lofað að sinna starfi forseta launalaust. Meira var ekki til af fasta fylgi. Fyrrum stuðningsmenn voru farnir eitthvað annað.
Sjálfstæðisflokkurinn mældist nýverið með 13,9 prósenta fylgi. Ögn meira en Davíð fékk.
Kannski er flokkurinn á sömu leið og ritstjórinn. Að gleymast. Að ná ekki til miðaldra fólks og þaðan af yngra. Ekki er gott að gleyma að vökva garðinn sinn.
Bjarni er ekki svo gamall. Hann virðist samt hafa gleymt að hlusta. Eins og kom svo vel fram á flokksráðsfundinum um daginn. Þegar unga fólkið vildi ræða alvarlega stöðu flokksins var þeim bannað það og bent á að tala frekar um húsnæðismál. Sem þau afþökkuðu pent.
Þörfin til að ræða stöðu flokksins og forystunnar er enn til staðar. Þetta verður rætt, en hvar? Nú, utan Valhallar. Kannski stefna Bjarni og Þórdís Kolbrún á fylgistöluna hans Davíðs? Ekki er þá metnaðurinn mikill.
