Forseti bæjarstjórnar Hafnarfjarðar og keppandi í Útsvarsliði bæjarsins, Guðlaug S. Kristjánsdóttir, hefur ásamt Einari Birki Einarssyni, sagt sig úr Bjartri framtíð.
Þau munu starfa sem óháðir bæjarfulltrúar þar til ný bæjarstjórn tekur við að loknum kosningum. „Þessi ákvörðun hefur ekki áhrif á meirihlutasamstarfið í bæjarstjórn Hafnarfjarðar,“ segir Guðlaug í tilkynningu, en Björt framtíð og Sjálfstæðisflokkur mynda meirihluta í bæjarstjórninni.
„Björt framtíð hefur gert margt gott en að sama skapi mörg mistök, líkt og ég sjálf og við öll. Mistök eru til að læra af þeim, fagna þeim sem lærdómi og tækifæri til að vaxa. Að mínu mati hafa verstu mistök Bjartrar framtíðar falist í því þegar orð og gjörðir stangast á, þegar ákvarðanir eru teknar sem erfitt er að rökstyðja á grunni gilda flokksins,“ sagði Guðlaug í nóvember s.l. þegar hún sagði af sér stjórnarformaður Bjartrar framtíðar.
Þá sagði hún einnig: „Að mínu mati hafa verstu mistök Bjartrar framtíðar falist í því þegar orð og gjörðir stangast á, þegar ákvarðanir eru teknar sem erfitt er að rökstyðja á grunni gilda flokksins.
Myndun ríkisstjórnar fyrir ári síðan voru að mínu mati slík ákvörðun, vissulega gerð með vísan til ábyrgðar (sem hefur alltaf verið uppáhaldsgildið mitt í annars góðu safni gilda BF), en að sama skapi mörgum illskiljanleg á grunni margra annarra grundvallarþátta í stefnunni.“
