Leiðari Alþýðusambandið nötrar vegna þess eins að það verða stjórnarkosningar í einu verkalýðsfélagi. Þar er fólk sem er ósátt með eigin kjör og framgöngu verkalýðsfélagsins. Þau sem ráða félaginu, og forseti ASÍ, hafa farið mikinn og talað fólkið niður af öllum mætti og hvergi sparað stóru orðin eða sleggjudómana.
Hvers vegna? Hvað er að kosningum um formann og annað stjórnarfólk í öðru fjölmennasta verkalýðsfélagi landsins? Frekjan í þeim sem fyrir eru er óstjórnleg. Svo yfirgengilegt er þetta allt saman að á heimasíðu Eflingar er fjallað talsvert um framboð núverandi en hvergi getið þess að komið er annað framboð. Þetta bara gengur ekki.
Um hvað snýst þetta allt saman? Hvers vegna er allt gert til að sverta framjóðendur annars framboðsins en allt gert til að hefja hitt upp til skýjanna? Hvað er undir? Frekjudallarnir mega ekki sigra. Það verður að vera breyting á. Framganga þeirra sem fyrir eru sýnir betur en nokkuð annað hversu mikil þörf er á breytingum.
Sigurjón M. Egilsson.
