Sjálfstæðisflokkurinn hefur pakkað í vörn. Flokkurinn verst komandi dómi Mannréttindadómstólsins. Af hörku. Mogginn hefur barist lengi. Aftur og aftur birtast þar skrif um óhæfu evrópska dómstólsins.
Flokkurinn á íslensku dómstólanna og þolir ekki og mun aldrei þola erlend afskipti. Og það af þeirra eigin dómstólum. Þar á bæ kunna allir frasann fræga: „Ég á þetta – ég má þetta“.
Sjálfstæðisflokkurinn er tilbúinn í allt. Allt til að verja eigin kerfi. Nú hentar best að tala dómstólinn evrópska niður, ef dómstól skyldi kalla. „Samsetning MDE og málsmeðferðarreglur bera það með sér að ekki er um að ræða dómstól í eiginlegum skilningi,“ skrifar Sigríður Á. Andersen.
