Nýtt fólk hefur tekið við og knýr nú áfram samfélagsumræðuna. Talsmenn andstæðinga þeirra hljóma illa í öllum samanburði. Nýja fólkið er víðsýnna en það sem fyrir var, og er. Allsherjar breyting hefur orðið í verkalýðsmálum með nýju fólki.
Það setur fram kröfu um að launafólk verði ekki lengur meðhöndlað sem útsöluvara. Nú verður leikurinn jafnaður.
Nýja fólkið hugsar ekki bara um sjálft sig. Það teygir sig til öryrkja og býður þeim stuðning. Allt er þetta fátítt í nýliðinni Íslandssögu. Það er sama hvað andstæðingarnir, jafnt í ríkisstjórn eða í grimmri hagsmunagæslu, skjóta oft og fast. Þeir stöðva ekki nýja fólkið.
-sme
