Ritstjórnarstefna

Hlutverk Miðjunnar er að vera opinn lýðræðislegur vettvangur, þar sem hægt er að skrifa, lesa og taka þátt í umræðu um menningu og afþreyingu.

Miðjan byggir á hugmyndafræði um borgaralega fjölmiðlun. Það er að allir geti skrifað greinar, fréttir, frásagnir og gagnrýni. Dæmi efni sem þú gætir sent inn á Miðjuna:

• Skrifaðu um upplifun þína af; tónleikum, plötu, leiksýningu, bók eða kvikmynd.

• Sendu okkur grein um tísku, sögu tískunnar, búningahönnun, skart, fylgihluti eða skótískuna.
• Ef þú sérð áhugaverða grein í erlendu tímariti, vefriti eða annarstaða sem tengist því efni sem er til umfjöllunar á Miðjunni, þá geturðu þýtt úrdrátt úr greininni og sent okkur. Mundu bara að geta þess hvaðan greinin eða fréttin var fyrst birt.

• Sendu okkur t.d uppskriftir, bökunaraðferðir eða góð ráð fyrir eldamennskuna.

• Sendu okkur prjónauppskrift eða myndir af skemmtilegum leiðum til að föndra fyrir jólin.

• Sendu okkur myndband, myndir eða skrifaða frásögn af því hvernig þú smíðaðir, hannaði eða saumaðir eitthvað sérstakt.

Fréttir eru ekki bara það sem gerist í stjórnmálum eða efnahagsmálum. Ef þú heldur að fleiri en bara þú og þín fjölskylda hafi áhuga á því sem þú veist, skráðu þig inn sem notandi og byrjaðu að skrifa fréttir um það sem þér finnst skipta máli. Þú getur sent inn texta, ljósmyndir og/eða myndbönd.

Hafðu þó í huga að Miðjan er ritstýrður miðill. Starfsmenn vefmiðilsins munu samþykkja eða hafna birtingu á innsendu efni eftir því sem við á. Framlög frá samstarfsaðilum mun þó birtast sjálfkrafa, án þess að fara í gegnum samþykktarferli.

Þó svo að Miðjan sé ritstýrður miðill, þýðir það ekki að ritskoðun eigi sér stað. Við munum einungis fara fram á að notendur skrái sig og skrifi inn undir fullu nafni og fylgi eftirtöldum grunnstefum:

1) Mundu eftir „H“-unum sex;
a) Byrjaðu fréttirnar þínar á því að svara spurningunum um það hvað hefur gerst
Hver gerði (sagði), hvar, hvenær, hvernig og hvers vegna?

2) Gættu þess að fara rétt með staðreyndir.
a) Innsendu efni með röngum staðreyndum gæti verið hafnað eða ritstjórn fari fram á leiðréttingar. Ef um smávægilegar villur er að ræða áskilur ritstjórn Miðjunnar sér rétt til að laga þær án þess að bera undir höfund. Ef efni birtist þar sem rangt er farið með staðreyndir, mun Miðjan birta leiðréttingu um leið og kostur gefst .
b) Það er harðbannað að búa til tilvitnanir í fólk, stofnanir, staðreyndir eða viðmælendur.

3) Gættu þess að fara rétt með heimildir.
a) Heimildastuldur verður ekki liðinn.
b) Það er í lagi að vísa í aðra fréttamiðla eða vefsíður og hvetjum við fólk til að birta hlekki á þær vefsíður sem vitnað er í. Hinsvegar er ekki í lagi að birta efni af öðrum síðum, líkt og það sé frá þér komið.

4) Temdu þér gott og skýrt ritmál með réttri stafsetningu.
a) Miðjan áskilur sér allan rétt til að laga málfar og stafsetningu þegar við á, en það er ekki meginhlutverk ritstjórnar að vera prófarkalesarar.
b) Ef stafsetning og málfar er með þeim hætti að grein er óbirtingarhæf verður greininni hafnað. Vandaðu þig því við frágang og mundu að lesa textann yfir áður en þú sendir hann inn.
c) Við mælum jafnframt með því að fólk nýti sér vefpúkann á síðunni: http://vefur.puki.is/vefpuki/
d) Vertu skýr í frásögn.

5) Ekki senda inn auglýsingar eða spam
a) Auglýsingar birtast í fyrirfram ákveðnum og skýrum auglýsingaplássum.
b) Það getur verið frétt falin í því sem verið er að auglýsa – hvort sem það er ný vara eða atburður, en ekki senda inn auglýsingar og reikna með að þær verði birtar sem fréttir.
c) Vertu hreinskilin/n og segðu lesendum frá því hvernig þú tengist vörunni og hvað sé fréttnæmt við hana.

6) Passaðu orðfærið
a) Miðjan mun ekki birta efni sem brýtur gegn réttindum annarra. Ekki senda inn efni sem flokkast undir hatur gegn kynþáttum, kynjum eða kynhneigð og reikna með að það verði birt. Hafðu í huga að það er til meiðyrðalöggjöf og ekki brjóta gegn henni. Efnið sem þú sendir inn er á þína ábyrgð og kostnaður vegna dóms um brot gegn löggjöfinni fellur á þig.

7) Miðjan birtir ekki klám eða haturspóst
a) Ekki reyna að senda slíkt inn. Því verður bara hafnað.

8) Hafðu gegnsæi að leiðarljósi
a) Ef þú tengist viðfangsefninu, láttu þá lesendur vita af því. Treystu lesendum og gefðu upp eins miklar upplýsingar og hægt er.

9) Þekktu muninn á skoðunum og fréttum
a) Skoðanir þínar þurfa ekki að vera fréttnæmar, þó svo að þú hafir áhugaverðar skoðanir. Ef grein sem þú sendir inn byggist einvörðungu á skoðun þinni, gerðu ekki ráð fyrir að hún verði birt.

10) Fréttir geta verið viðeigandi í tíma og rúmi.
a) Er búið að segja fréttina? Bætir þín frétt einhverju við?
b) Er fréttin viðeigandi núna? Hafðu þetta í huga áður en þú sendir inn frétt.
c) Veltu líka líka fyrir þér hvort fréttin meiði einhvern þann sem hún fjallar um og hvort hún sé þá réttlætanleg