Leikrit allra barna, Kardimommubærinn, Karíus og Baktus, Dýrin í Hálsaskógi og Síglaðir söngvarar, eftir Thorbjörn Egner, koma út í safnkassa þann 2. mars næstkomandi.

Allir kannast við gömlu góðu upptökurnar og segja má að þær hafi verið með vinsælustu plötum íslenskrar útgáfusögu. Í fréttatilkynningu segir að þessar fjórar plötur hafi samtals selst í rúmlega 100.000 eintökum. Kardimömmubærin og Dýrin í Hálsaskógi seldust sérstaklega vel enda fjöldi íslendinga sem eiga kærar minningar tengdar hlustum á þessum stórgóðu leikritum.

Höfundur verkanna, Thorbjörn Egner, fæddist í Osló árið 1912 en hann starfi meðal annars við myndskreytingar áður en hann fór að semja og myndskreyta sögur fyrir krakka. Hann varð þjóðkunnur maður í heimalandi sínu fyrir verk sín en verk hans og persónur hafa notið mikilla vinsælda víða, sérstaklega á Norðulöndunum.